Հաշվի առնելով մեր համայնքի բոլոր անդամների կարծիքը՝ մենք սահմանափակում ենք որոշակի առցանց բովանդակություն։ Սա վերաբերում է հայտարարության մեջ ներառված նկարագրություններին ու պատկերներին։ Այս էջում ներկայացված է Airbnb համայնքի կանոնների ընդհանուր ուղեցույց, որն ընդգրկում է ոչ բոլոր հնարավոր իրավիճակները։
Airbnb-ում բովանդակություն հրապարակելով՝ դուք ընդունում եք Airbnb-ի՝ բովանդակության նկատմամբ կիրառվող քաղաքականությունը։
Մենք իրավունք ենք վերապահում ամբողջությամբ կամ մասամբ հեռացնելու ցանկացած բովանդակություն, որը խախտում է Airbnb-ի՝ բովանդակության նկատմամբ կիրառվող քաղաքականությունը։ Կրկնվող կամ կոպիտ խախտումների դեպքում կարող ենք նաև սահմանափակել, կասեցնել կամ հեռացնել համապատասխան Airbnb հաշիվը։
Մերկության տեսարաններ պարունակող կամ սեռական բնույթի բովանդակություն տարածքում, եթե այդ մասին նախապես զգուշացվում է։ Մենք թույլատրում ենք տան տարածքում մերկ մարմին պատկերող արվեստի գործերի, սեռական բնույթի բովանդակության կամ սեռական թեմաներով առարկաների առկայություն, եթե տանը չեն մնալու 18 տարեկանից ցածր տարիքի անձինք, և եթե դրանց առկայության մասին նշված է տարածքի նկարագրության մեջ։ Լրացուցիչ պահանջներ են գործում մեծահասակների թեմաներով բովանդակություն կամ մերկություն ներառող սերվիսներ կամ փորձառություններ առաջարկելու դեպքում։
Հյուրերը չպետք է Airbnb-ի միջոցով ամրագրված այցի ժամանակ անակնկալի գան կամ անհարմար զգան չափահասների համար նախատեսված անսպասելի բովանդակությունից։ Մեր Ռեսուրս կենտրոնում կգտնեք խորհուրդներ գրավիչ հայտարարության էջ ստեղծելու վերաբերյալ։
Եթե ականատես եք լինում կամ առնչվում եք այնպիսի վարքի, որը հակասում է մեր կանոններին, հայտնեք մեզ այդ մասին։